Plantun de Prouvènço

Pèr coumpara dos planto d'encò nostre

Geum urbanum & Hieracium taurinense

Erbo-de-sant-Benòni

Geum urbanum

Rosaceae

Àutri noum : Erbo-benido, Erbo-de-sant-Benet, Benido, Benouito.

Noms en français : Benoîte commune, Herbe de saint Benoît.

Descripcioun :
L'erbo-de-sant-Benòni es uno planto coumuno de bos fres que se recounèis à si fueio coumpausado, si flour jauno pourtado pèr un long pecou, pièi sis akène roujo amé un long estile.

Usanço :
Li jóuini fueio podon èstre manjado en ensalado, pamens èi subretout la racino óudouranto qu'es emplegado coume sabourun, à la plaço dóu clavèu de girofle. Douno de goust au vin, à l'aigardènt e i dessèr. Aquesto racino estènt proun astringènto s'emplego coume venoutounico (cambo lourdo e moureno) e contro la fouiro. A peréu d'ùni prouprieta antiseptico e analgesico.

Port : Erbo
Taio : 0,3 à 1 m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Geum
Famiho : Rosaceae

Ordre : Rosales

Coulour de la flour : Jauno
Petalo : 5
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Mai à setèmbre

Liò : Bos fres - Orle de bos - Ribiero - Roubino
Estànci : Mesoumediterran à Mountagnard
Couroulougi : Éurasiatico-Cèntre-Ouèst
Ref. sc. : Geum urbanum L., 1753

Esparello(-de-Turin)

Hieracium taurinense

Asteraceae Compositae

Nom en français : Épervière de-Turin.

Descripcioun :
Aquesto esparello trachis dins li bos sourne e se sus siliço. Fai partido dóu group ITALICA que flouris à l'autouno e que porto forço fueio dentado long de la cambo. L'esparello-de-Turin èi peludo emé souvènt uno fausso rouseto vers lou bas de la tijo. Li fueio basalo dóu printèms an despareigu à la flourido. Lis akène madur soun brun. Pensa de coumpara emé lis àutris esparello.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 15 à 100 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 2 à 3 cm
Flourido : Printèms - Estiéu

Sòu : Ca
Autour basso e auto : 100 à 1200 m
Aparado : Noun
Mai à avoust

Liò : Castagnaredo - Blachiero - Bos se e à l'oumbro
Estànci : Mesoumediterran à Subremediterran
Couroulougi : Éuropenco-Sud-Ouèst
Ref. sc. : Hieracium taurinense (Gaudin) W.D.J.Koch, 1846

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Geum urbanum & Hieracium taurinense

Coumpara Erbo-de-sant-Benòni emé uno autro planto

Coumpara Esparello(-de-Turin) emé uno autro planto